NOTICIAS

IV Carreira Pedestre Concello de Oroso (2016)

Amador Pena Torreira e Elena Matalobos Redondo gañan a IV Carreira Pedestre Concello de Oroso

O alcalde de Oroso, Manuel Mirás, amosouse moi satisfeito co resultado da proba e agradeceu a todos os atletas a súa participación

 01.05.2016

Os atletas Amador Pena Torreira (C.D. Vagalume Energía) e Elena Matalobos Redondo (Sociedade Deportiva Barbantia Roda) foron os gañadores absolutos da cuarta edición da Carreira Pedestre Concello de Oroso, celebrada na tarde deste sábado e na que participaron un total de 543 corredores: 156 na competición absoluta e 387 nas outras categorías. Uns atletas que contaron co alento de centos de veciños e veciñas de Oroso, que aproveitaron o bo tempo para gozar dunha tarde de deporte e para aplaudir o esforzo dos corredores.

O alcalde de Oroso, Manuel Mirás, amosouse moi satisfeito co resultado da proba e agradeceu a todos os atletas a súa participación. Ademais destacou o gran traballo desenvolto tanto pola Federación Galega de Atletismo como polos voluntarios de Protección Civil, Cruz Vermella, os membros da Policía Local e os ciclistas do club Tambre-Bike, que fixeron que a proba se desenvolvese sen ningún incidente.

Resultados absolutos

A IV Carreira Pedestre Concello de Oroso contou coa participación de 156 atletas na proba absoluta, seis máis ca na edición de 2015. Unha competición que foi dominada dende o principio e con moita comodidade por Amador Pena Torreira, que entrou na meta cun tempo de 34 minutos e 26 segundos, cunha vantaxe de máis de medio minuto sobre o segundo clasificado. De feito, Amador Pena mesmo diminuíu o ritmo da súa carreira na recta de meta, na que entrou da man da súa filla, que ao final da proba sería quen recollería o trofeo.

O segundo clasificado foi Sergio Requeijo Requeijo, cun tempo de 35 minutos e 8 segundos. O terceiro posto foi para Xosé Manuel Penas Varela, da A.D. Cerne, cun tempo de 35 minutos e 15 segundos.

A gañadora da proba absoluta feminina foi a atleta Elena Matalobos Redondo (Sociedade Deportiva Barbantia Roda), que chegou no posto número 73 da xeral cun tempo de 42 minutos e 32 segundos. O segundo posto foi para Silvia García Lorenzo (Club Atletismo Noia), cun tempo de 43 minutos e 9 segundos. Completou o podio unha habitual nesta carreira: María José Grobas Garaboa (Club Atletismo Boimorto), cun tempo de 44 minutos e 31 segundos. Deste xeito, a atleta cercedense suma un novo podio nesta proba, onde xa foi segunda nas edicións de 2013 e 2014.

A entrega de premios estivo presidida polo alcalde de Oroso, Manuel Mirás. Entregaron os premios o deputado provincial e concelleiro de Protección Civil, Antonio Leira; e os concelleiro de Deportes, Luís Rey; de Ensino, Beatriz Rodeiro; e de Vías e Obras, Eduardo Veiras; de Turismo, Vanesa Boo; e de Muller, María del Carmen Liste.

 

Deputación da Coruña

Deputación da Coruña

https://www.dicoruna.es/deportes

Clínica Sandá Fisioterapia

Clínica Sandá Fisioterapia

Rúa do Hórreo, 32, 15701 Santiago de Compostela, A Coruña Teléfono:981 94 18 39

Tecalis

Tecalis

Software y Diseño Web www.tecalis.com

Forestal Gonzar

Forestal Gonzar

Restaurante Central

Restaurante Central

Rúa Da Raiña, 15 15704 Santiago de Compostela Teléfono 981 58 36 64

Café Carpanta

Café Carpanta

Plaza Pascual Veiga 4, 15706 Santiago de Compostela

Uso de cookies
Utilizamos cookies propias y de terceros para mejorar nuestros servicios y mostrarle publicidad relacionada con sus preferencias mediante el análisis de sus hábitos de navegación. Si continúa navegando, consideramos que acepta su uso. Puede obtener más información, o bien conocer cómo cambiar la configuración, en nuestra Política de cookies

continuar